3
1Musa yari aragiye ubushyo bwa sebukwe Yetero umuherezabitambo w’i Madiyani. Ayobora ubushyo hirya y’ubutayu, maze agera ku musozi w’Imana, i Horebu3.1 Horebu: umusozi Imana yigaragarijeho Abayisraheli ufite amazina abiri: hari ubwo bawita Horebu, ubundi bakawita Sinayi.. 2Nuko Umumalayika w’Uhoraho3.2 Umumalayika w’Uhoraho: Imana ntigaragara, ariko iyo ishaka kwimenyesha abantu, yigaragaza ikoresheje uburyo ubu n’ubu: nk’umuriro, igicu, ndetse no mu gisa n’umuntu. Icyo gihe Bibiliya ivuga ko ari «umumalayika wayo» uboneka. amubonekera mu kibatsi cy’umuriro waka mu gihuru rwagati. Musa aritegereza, asanga umuriro ugurumana mu gihuru cyose, ariko cyo ntigikongoke. 3Musa aravuga ati «Reka njyeyo ndebe aka kataraboneka, n’impamvu ituma igihuru kidakongoka.» 4Uhoraho abona aje hafi kureba ibyo ari byo. Nuko Imana imuhamagarira mu gihuru rwagati iti «Musa! Musa!» Undi ati «Ndi hano.» 5Nuko Imana iramubwira iti «Wikwegera hano! Ndetse kuramo inkweto zawe, kuko ahantu uhagaze ari ubutaka butagatifu.» 6Irongera iti «Ndi Imana ya so, Imana ya Abrahamu, Imana ya Izaki, Imana ya Yakobo.» Musa yipfuka mu maso, kuko yatinyaga kureba Imana. 7Uhoraho aravuga ati «Amagorwa y’umuryango wanjye uri mu Misiri narayitegereje, kandi imiborogo baterwa n’abakoresha b’imirimo narayumvise, n’imiruho barimo ndayizi. 8Ndamanutse ngo mbagobotore mu maboko y’Abanyamisiri, maze mbavane muri icyo gihugu, mbajyane ku butaka bw’indumbuke3.8 ku butaka bw’indumbuke: Imana yiyemeza kuzuza amasezerano yagiranye na Abrahamu, Izaki na Yakobo, no guha abazabakomokaho igihugu bazaturamo mu mahoro (reba Intg 15). Icyo gihugu cyitwa Kanahani, kuko Abakanahani ari bo benshi bari bagituyemo. kandi bugari, mu gihugu gitemba amata n’ubuki3.8 gitemba amata n’ubuki: ni ukuvuga ko icyo gihugu gifite urwuri rwinshi kandi cyera bishimishije, ku buryo umuntu anywa amata akarya imbuto nziza uko ashaka., ahantu hatuwe n’Abakanahani, n’Abaheti, n’Abahemori, n’Abaperezi, n’Abahivi, n’Abayebuzi. 9None ngaha induru y’Abayisraheli yangezeho, maze mbona ukuntu Abanyamisiri babica urupfu rubi. 10Ubu ngubu rero genda: ngutumye kuri Farawo kugira ngo uvane mu Misiri Abayisraheli, umuryango wanjye.»
11Musa abwira Imana, ati «Jyewe ndi nde wo gusanga Farawo no kuvana Abayisraheli mu Misiri?» 12Imana iravuga iti «Ndi kumwe nawe; kandi dore ikizakubera ikimenyetso ko ari jye wagutumye: Numara kuvana umuryango wanjye mu Misiri, muzasengera Imana kuri uyu musozi.»
Imana ibwira Musa izina ryayo
13Musa abwira Imana, ati «Ngaho rero ningende nsange Abayisraheli, mbabwire ngo ’Imana y’abakurambere banyu yabantumyeho!’ Nibambaza ngo izina ryayo ni irihe, nzabasubiza ngo iki?» 14Nuko Imana ibwira Musa, iti «NDI UHORAHO3.14 UHORAHO: Imana ihishurira Musa izina ryayo; ni na ryo Abayisraheli bagomba gukoresha bambaza Imana y’ababyeyi babo, yabakuye mu bucakara. Nanone ntibibujijwe kwita Imana ayandi mazina, ariko Yo ubu ihisemo kwitwa Uhoraho, kugira ngo yumvishe umuryango wayo ko ihora iri iruhande rwawo ngo iwukize, kandi ko izahora iteka hamwe na wo.». Irongera iti «Uzabwire utyo Abayisraheli, uti ‘UHORAHO ni we ubantumyeho.’» 15Imana yongera kubwira Musa, iti «Uzabwire Abayisraheli uti ’UHORAHO Imana y’abakuramere banyu, Imana ya Abrahamu, Imana ya Izaki, Imana ya Yakobo, yabantumyeho.’ Ngiryo izina ryanjye iteka ryose, nguko uko bazajya banyita banyambaza kuva mu gisekuru kugera mu kindi. 16Genda rero ukoranye abakuru b’imiryango ya Israheli, maze ubabwire uti ‘Uhoraho Imana y’abakurambere banyu, Imana ya Abrahamu, Imana ya Izaki, Imana ya Yakobo yambonekeye maze arambwira ati: Niyemeje kubagoboka, kandi nzi ibyo mugirirwa mu Misiri, maze ndavuga nti 17‘Nzabakura mu magorwa murimo mu Misiri, mbajyane mu gihugu cy’Abakanahani, n’Abaheti, n’Abahemori, n’Abaperezi, n’Abahivi, n’Abayebuzi, igihugu gitemba amata n’ubuki.’ 18Bazumva ijwi ryawe, maze wowe n’abakuru b’imiryango ya Israheli musange umwami wa Misiri, muzamubwire muti ‘Uhoraho Imana y’Abahebureyi yaratubonekeye. Ubu ngubu rero, uturekure tujye mu rugendo rw’iminsi itatu mu butayu gutura ibitambo3.18 gutura ibitambo: Abahebureyi bari bafite amatungo menshi. Mu ntangiriro ya buri mwaka, imvura n’ubukonje bimaze gushira, bateguraga ibirori n’iminsi itatu yo gusenga, kugira ngo basabe Imana kubarindira amatungo n’ingo byabo. Musa asaba Farawo uruhusa rwo kujya gutura ibyo bitambo mu butayu nk’uko byahozeho. Ariko we yateganyaga kutazagaruka mu Misiri. Farawo yanga ko bava mu Misiri, kuko yari yamenye imigambi ya Musa. Uhoraho Imana yacu.’ 19Nzi neza ko umwami wa Misiri atazareka mugenda, keretse hagize ukuboko kw’ingufu kumucogoza. 20Nzarambura rero ukuboko kwanjye, maze nyogoze Misiri, mpakorere ibitangaza byinshi bibatera ubwoba. Nyuma yabyo, Farawo azabareka mugende. 21Nzatuma iyo mbaga ibona agahenge ku Banyamisiri, maze igihe muzahagurukira mwekuzagenda amara masa. 22Ahubwo buri mugore azasange mugenzi we baturanye cyangwa umucumbikiye, amutire ibintu bya feza, n’ibintu bya zahabu, n’imyambaro muzambika abahungu n’abakobwa banyu, bityo muzasahure3.22 muzasahure Abanyamisiri: kubatwara ibyo bintu by’agaciro, byari nko kwiyishyura ibihwanye n’imirimo yose Abayisraheli bari barakoze ku gahato. Abanyamisiri.»