11
Dawudi mushya
1Umumero uzashibuka ku gishyitsi cya Yese11.1 cya Yese: Yese ni se wa Dawudi. Izayi aratangaza icyizere cy’uko Imana izibuka umuryango wayo, ikawuha umwami umeze nka Dawudi, ndetse akazanamusumbya ibigwi. Koko rero, Dawudi yabaye sekuruza w’abami ba Yuda bose, cyane cyane n’uwa Yezu, Umukiza w’abantu bose, wasenderejwe Roho w’Imana (Mt 1,1; 3,16 . . . ).,
inkomoko ye izamuke ku muzi wacyo,
2Umwuka w’Uhoraho uzamwururukiraho,
umwuka w’ubuhanga n’uw’ubushishozi,
umwuka w’ubujyanama n’uw’ubudacogora,
umwuka w’ubumenyi n’uw’ukubaha Uhoraho,
3kandi unamutoze gutinya Uhoraho.
Ntazaca imanza akurikije igihagararo,
cyangwa ngo azikemure akurikije amabwire.
4Intamenyekana azazicira imanza zitabera,
azarenganure abakene bo mu gihugu.
Umugome azamukubitisha inkoni y’ijambo rye,
umwuka wo mu munwa we awicishe umugiranabi.
5Azakindikirisha ubutabera nk’umukandara,
akenyeze ubudahemuka nk’umweko.
6Ikirura kizabana n’umwana w’intama11.6 n’umwana w’intama: abantu nibaramuka bakiriye amahoro n’ubutabera bazazanirwa n’umwuzukuru wa Dawudi, nta cyitwa ikibi kizongera kubaho. Ibiremwa byose bizasabana mu mahoro, mbese nk’uko byari bimeze isi ikiremwa, icyaha kitarabaho (reba Intg 2). Ibi bigereranyo Izayi akoresha, birahamya cya cyizere gikomeye Abayisraheli bari bafite kuva kera, cy’uko mu ndunduro y’ibihe, icyitwa icyaha cyose, ububabare ndetse n’urupfu bizatsindwa burundu (mbese nk’uko Ibyanditswe byo mu isezerano rishya bikunda kubihamya, urugero: 1 Kor 15,24–28; Hish 21,4).,
ingwe iryame iruhande rw’umwana w’ihene.
Inyana n’icyana cy’intare bizagaburirwa hamwe,
biragirwe n’akana k’agahungu.
7Inka n’igicokoma bizarisha mu rwuri rumwe,
ibyana byabyo bibane mu kiraro kimwe,
intare irishe ubwatsi nk’ikimasa.
8Umwana ukiri ku ibere azakinira ku kiryamo cy’inshira,
igitambambuga cyinjize ikiganza mu mwobo w’impiri.
9Nta we uzaba akigira nabi,
cyangwa ngo akore amahano ku musozi wanjye mutagatifu,
kuko igihugu kizasakarwamo n’ubumenyi bw’Uhoraho,
nk’uko amazi yuzura inyanja!
Ukugaruka kw’abajyanywe bunyago ba Israheli11.9 abajyanywe bunyago ba Israheli: iki gisigo nticyahimbwe na Izayi, ahubwo cyanditswe nyuma ye byaratinze. Kirahanura itahuka ry’Abayisraheli bose bajyanywe bunyago n’abanzi babo, haba i Babiloni cyangwa mu bindi bihugu.
10Uwo munsi ni bwo inkomoko ya Yese,
izashyirwa ejuru nk’ibendera ry’igihugu,
amahanga yose akazayigana,
aho atuye hakazabengerana ikuzo.
11Uwo munsi kandi, Uhoraho azongera abangure ukuboko kwe,
kugira ngo agobotore udusigisigi tw’umuryango we,
abazaba bakiri muri Ashuru no mu Misiri, i Patorosi, n’i Kushi,
i Elamu, n’i Shimeyari, i Hamati no mu birwa byo ku nyanja.
12Azashinga ikimenyetso kimenyesha amahanga,
ko agiye gukorakoranya abajyanywe bunyago ba Israheli,
abumbire hamwe abatatanye bo muri Yuda,
abakuye mu mpande zose z’isi.
13Ishyari rya Efurayimu rizashira, n’abanzi ba Yuda batsembwe.
Efurayimu ntizongera ukundi kugirira Yuda ishyari,
na Yuda ye kuzongera ukundi kugirira nabi Efurayimu.
14Bazirohera icyarimwe ku misozi y’Abafilisiti b’iburengerazuba,
bishyire hamwe basahure abatuye iburasirazuba.
Bazabangura ukuboko kwabo kuri Edomu na Mowabu,
naho bene Amoni bazabayoboke.
15Uhoraho azakamya ikigobe cy’inyanja yo mu Misiri,
abangure ukuboko akwerekeje kuri Efurati,
ku bw’imbaraga z’umwuka we, ayigabanyemo amashami arindwi,
ku buryo bazashobora kuyambuka n’ibirenge.
16Hazabaho inzira imwe ku barokotse b’umuryango we,
abazaba basigaye muri Ashuru,
nk’uko byagenze ku Bayisraheli,
umunsi bazamutse bava mu gihugu cya Misiri.